Fadar Shugaban Kasa Ta Mayar Da Martani Dangane Da Saka Najeriya Cikin Kasashen Da Ake Sanyawa Ido Wanda Amurka Ta Yi

8

Fadar Shugaban Kasa tace hukuncin da gwamnatin Amurka ta dauka na saka Najeriya a cikin kasashen da ake sakawa ido, bazai mayar da Najeriya cikin kasashe masu fama da rashin yancin addini ba.

Da yake zantawa da manema labarai a kan lamarin, kakakin shugaban kasa Mallam Garba Shehu, yace kasashen Najeriya da Amurka za su tattauna akan lamarin, farkon shekara mai zuwa.

A cewarsa, saka Najeriya cikin kasashen da za a sakawa ido babu wani abu da zai haifar, kuma bazai mayar da kasar abar damuwa ba, kamar yadda wasu suke rade-radi.

Kakakin na shugaban kasa ya jaddada cewa Najeriya a matsayinta na kasa mai cin gashin kai, bata da wani kuduri na dora wani addini akan wani.

A cewar Garba Shehu, akwai yancin yin addini ga dukkanin yan kasa a kudin tsarin mulkin kasarnan.

Gwamnatin Amurka a satin da ya gabata aka rawaito ta sanya Najeriya cikin kasashen na musamman da ake sanyawa idanu wadanda suke dakile yancin addini.

BAR AMSA

Don Allah shigar da sharhinku!
Don Allah shigar da sunanka a nan

9 + 6 =