Shugaba Buhari Yace Nasororin Da Gwamnatinsa Ta Samu Akan Kungiyar Boko Haram Sun Dawo Da Martabar Najeriya

6

Shugaban Kasa Muhammadu Buhari yace duk da karuwar rashin tsaro da hare-haren Boko Haram, nasarorin da gwamnatinsa ta samu akan kungiyar sun dawo da martabar Najeriya.

Shugaban kasa ya fadi hakan yayin jawabinsa a dandalin Eagle Square dake Abuja, inda ya kaddamar da sabbin jiragen farmaki masu saukar ungulu.

A watan janairun da ya gabata kadai, bayanai daga jaridu da alkaluma sun yi nuni cewa akalla mutane 245 aka kashe a fadin Najeriya.

Haka kuma binciken Expat Insider na shekarar 2019 ya ayyana Najeriya a matsayin kasa ta 3 mafi hadari a duniya sanadiyyar cin hanci da rashawa da kuma rashin tsaro.

Majalisar wakilai ta kasa a makon da ya gabata ta yi Allah wa dai da karuwar tabarbarewar tsaro a kasarnan.

Majalisar tare da majalisar dattawa, sun bukaci Shugaba Buhari da ya sauya shugabannin hukumomin tsaron kasarnan domin magance kashe-kashen mutane a fadin Najeriya, sai dai Shugaba Buhari yayi kunnen uwar shegu.

BAR AMSA

Don Allah shigar da sharhinku!
Don Allah shigar da sunanka a nan

4 × 4 =