Saudiyya zata gudanar da Hajjin bana da mutane kalilan da ke zaune a kasar saboda corona

12

Saudiyya ta sanar da cewa za a gudanar da Hajji da mutane ‘yan kalilan a bana sanadiyyar annobar coronavirus, inda mutane dake zaune a kasarne kadai za a bawa damar shiga aikin hajjin wanda za a fara a karshen watan Yuli mai zuwa.

Shawarar hakan tazo ne bisa la’akari da karuwar masu kamuwa da cutar corona a fadin duniya, da rashin rigakafi da kuma wahalar tabbatar da bayar da tazara tsakanin dumbin mutanen da zasu so aikin hajjin daga kasashen waje.

Sama da mutane miliyan 2 ne suke gudanar da hajji kowace shekara a kasar, dayawa daga cikinsu suna zuwa daga kasashen waje.

Aikin Hajjin zai zama barazana wajen yaduwar cutar, kasancewar miliyoyin alhazai na cunkusuwa a guraren ibada dake cika makil.

Karamin aikin Hajjin da za a yi ya bayyana asarar makuden kudaden shiga ga kasar, wacce tuni take fama da koma bayan da dokar takaita zirga-zirga da faduwar farashin danyen mai suka haifar.

BAR AMSA

Don Allah shigar da sharhinku!
Don Allah shigar da sunanka a nan

three × three =