Akalla mutane 21 ne suka mutu a rikicin bayan zabe a kasar Guinea

3

Akalla mutane 21 ake kyautata zaton sun mutu a tashin hankalin da ya biyo bayan zaben kasar Guinea da aka gudanar a farkon watan nan wanda kuma ake takaddama a kai.

An cigaba da arangama tsakanin magoya bayan yan adawa da jami’an tsaro a karshen mako, lokacin da hukumar zabe ta tabbatar da nasarar shugaban kasa Alpha Conde a zango na uku wanda ya jawo cece kuce.

Jam’iyyar adawa da ta ayyana kanta a matsayin wacce ta lashe zaben, tace Alpha Conde ya karya doka lokacin da ya sauya kundin tsarin mulki a watan Maris, domin bawa kansa damar sake tsayawa takara.

Majalisar Dinkin Duniya da Kungiyar Tarayyar Afirka sun aika da masu shiga tsakani zuwa kasar ta Guinea domin kokarin sasantawa.

BAR AMSA

Don Allah shigar da sharhinku!
Don Allah shigar da sunanka a nan

5 × 2 =