Gwamnatin Pakistan tana fatattakar jagororin adawa a lokacin da ake cigaba da zanga-zanga

5

Gwamnatin kasar Pakistan ta kaddamar da fatattakar jagororin gamayyar adawa ta PDM, inda take hukunta dayawa daga cikinsu bisa laifin shirya gangami a birnin Mardan.

Hakan yazo daidai lokacin da yan adawa ke shirin kara shirya zanga-zangar kin jinin gwamnatin Fira Minista Imran Khan, kamar yadda aka rawaito a jiya.

Imran Khan yana fuskantar babban kalubale kasancewar gamayyar PDM ta tsayar da ranar 31 ga watan Janairu a matsayin ranar karshe domin ya sauka ko kuma ya fuskanci dogon maci zuwa birnin Islamabad.

Jagororin PDM sun shirya gudanar da tattaunawa mai muhimmanci a yau a gidan tsohon Fira-Minista, Nawaz Sharif, dake birnin Lahore.

Majiyoyi sun ce shugaban jam’iyyar PPP, Bilawal Bhutto Zardari, ya isa birnin Lahore kuma zai gana da Maryam Nawaz, shugabar jam’iyyar PML-N, gabannin tattaunawar ta gamayyar PDM.

BAR AMSA

Don Allah shigar da sharhinku!
Don Allah shigar da sunanka a nan

six + seventeen =